ما رايك بالمعاكسات؟؟؟

كلنا منعرف انو كثرت المعاكسات بالوقت الحاضر ان كانت من قبل الشباب او البنات كمان لا تستغربو , و بتم بكتير محلات و بكل الوسائل , بالمراكز (المولات) و عن طريق الموبايلات و بالمدارس ايضا . و السؤال هو: شو رايك بالمعاكسات؟ 1) بتظن انو حرية شخصية 2) مرحة بمر فيها الواحد و بعدين بتنتهي 3)مجرد تسلاية . في كتير اسباب و بتمنى ترسلوها . من باب تبادل الآراء( مو اكتر) و بعيد مرة تانية (من باب تبادل الآراء و المناقشة) اتمنى ان يعجبكم الموضوع و ان تردو عليه . تحياتي للجميع

الصراحة ايه كتيييير كترت المعاكسات بالوقت الحاضر لدرجة انو البنت ما بتعرف بالشارع من غير ماشي شب يلطشها او يعاكسها او حتى يحاول يلمسها و البنات نفس الشي و انا الصراحة الرأي تبعي انو كل الاختيارات ممكن تكون صحيحة لأنو كل واحد هو و شخصيته يعني ممكن واحد او وحدة يعملها و لما حدا يقولوا ليش يقول انا حر و هي بتكون حريته الشخصية و ما في حدا بيقدر يمنعه عنها و ممكن الانسان يكون عم يمر بمرحلة و هي غالباً المراهقة بيصير يلطش بنات او اولاد لو كانت بنت بس لمايكبر اكيد بيتغر بالعكس و ممكن يصير يتخانق مع الناس الي بيلطشو البنات/الاولاد لأنو شايفها شي عيب و مو منيح مع انه هو مر بهي المرحلة اما لو كان الشب او البنت اخدها/اخدتها مصخرة و لعب و تسلاية فبنظري هي 1.قلة ادب 2.(و هي في كتير شباب بيعملوها خصوصي لما يكونوا مع اصحابهم)و هي انو يغازلو البنت و يلحقوها ولو كان معها حدا و هي منشان يفرجي اصحابه انو هو رجال و مالو خايف من شي بس لما ياكل قتلة ولا ينسحب على الشرطة بيصير بيقول يا ليتني ما عملتها و 3.منشان يتمصخروا و بس و خصوصي على البنات او الشباب يلي ممكن يكون مالون حلوين او مالون جذابين مثلا ان كان شب او بنت هذا ما فيه فرق فهي الشغلة بتصير منشان يتمصخروا لو شافوا انو البنت او الولد التفتوا و ردوا عليهم ممكن يصيروا يتمصخروا على الشب و لو كانت بنت لو ردت نفس الشي و ممكن البنت تستحي مثلاً و حتى لما تستحي و يحمروا خدودها شوي بيتمصخروا عليها.

انا الصراحة بتمنى يوقف هذا الشي لأنو عم يكون شي كتير صعب خصوصي على البنت انو تكون ماشية بالشارع و يجي شي شب يتمصخر عليها او يلطشها قدام كل الناس.

يسلمو كتير على الموضوع
انا بتمنى يعني اي حدا بحط مشاركة على شي موضوع في طرفين يعني متل هون البنات والشباب مايكون متحيز لأي طرف
طبعا انا ماعم احكي على مس لوفلي ابدا بالعكس رأيها صحيح بكتير نقاط قالتها بس برجع بقول بشكل عام.
المهم هلاء لو اي شب حط حالو مكان أي بنت و يطلطش اكيد رح ينزعج هادا عم احكي على البنت يلي مابدها هادا الشي طبعا
لأنو متل مابتعرفو انو اكتيرت البنات بكيفو بس حدا يلطشهون
وأكيد منسمع متير جملة انو ( لو كانت البنت ما بدها تتلطش ماكانت لبست كذا أو كذا او ماكانت راحت على المكان المعين)
أكيد الأسباب يلي عطيتيها happy angel صحيحة
وبالنسبة ل miss lovely<3 على انو يتوقف هادا الشي فأنا بستبعد هادا الخيار ههههههههههه
مو لاني شب ابدا
بس لأنو كل واحد رح يقول إزا انا ما عاكست بنت في غيري كتير شباب رح يعاكسوها ف مارح تفرق علي
وهو اكيد انو هادا الشي صار زايد زيادة عن اللزوم لحتى صار محرج بالنسبة لمجتمعاتنا الشرقية بس
هيك صايرة الدنيا بهي الأيام

وبرجع بشكرك happy angel على الموضوع الحلو لأنو فعلا مهم و اكيد يعرف كل شخص نظرة الطرف
الأخر لإلو

انا مالي متحيزة لطرف واحد يا سلطان الغرام بس انا قصدي انو هي الشغلة غالباً بتصير للبنت اكتر من الشب بس لو مو قصدك هيك فلو سمحت سامحني لاني مريضة و الوقت متأخر و انا اصلاً مخي سميك و بفهم بالقطارة!!

انا الي بدي اشكركن على هالمساهمات اللطيفة و المفيدة و انا بصراحة مع سمو الامير بانه قال انو البنت إلها لسان تجاوب فيه و كمان مع سلطان الغرام انه قال ما بيتوقع تقل هالمعاكسات و ما بنسى miss lovely الي اعطت مثال حلو على كل سبب و شكرا كتيييييييييييييييييييييييييير